【脫離公屋】屋邨出身港姐 向置業夢進發嘅有佢哋!

    99

    圖︰其實「公屋港姐」又點只陳庭欣一個?佢哋每一位都好努力,憑實力希望達成「置業夢」㗎!(fb、ig圖片)

    2010年港姐冠軍陳庭欣,近日被指撇下「有錢大狀」唐偉倫,與「身家過億」嘅彩豐行老闆楊振源拍拖,似乎希望向「豪門進發」;同時,有報道指陳庭欣介意被稱為「公屋港姐」,認為「住公屋係社會問題,唔需要用來做文章」,又以兩年內「上車」為目標,希望早日脫離住公屋嘅標籤。

    其實「公屋港姐」又點只陳庭欣一個?佢哋每一位都好努力,憑實力希望達成「置業夢」㗎!即刻睇吓佢哋嘅故事!

    楊思琦

    圖︰楊思琦(ig圖片)

    2001年港姐冠軍楊思琦,小時候家住石硤尾大坑西邨,係圈中出名嘅慳妹!楊思琦靠自己平日努力儲錢、努力賺錢,而成功置業!據指,楊思琦現時已持有數個物業,包括至少3個千萬單位,更有傳佢擁有嘅物業合共市值半億,可謂「公屋港姐」成功置業嘅典範!

    林莉

    圖︰林莉(網上圖片)

    2005年港姐季軍林莉,出身於青衣邨,雖然佢當選後喺TVB嘅發展普普通通,但林莉並無「自暴自棄」,到2010年更以「港版林志玲」之名,轉戰Model界!又出寫真、又拍廣告,仲去埋台灣同韓國發展!後來更行天橋行到巴黎,升級成為國際名模!唔只脫離公屋,仲走向國際,要置業都唔會難到佢啦!

    徐淑敏

    圖︰徐淑敏(fb圖片)

    2006年參選香港小姐獲旅遊大使獎嘅徐淑敏(現名徐菁遙、Suki),自從與商人黃浩結婚後,就由「公屋港姐」變身成為比華利山獨立屋女主人,仲4年抱3,生咗3位可愛千金,生活認真幸福!不過,原來Suki入行前同父母、家姐住喺青衣邨公屋單位,仲要兩姊妹住同一間房;細個嘅時候仲因為父母忙於工作,曾經要同家姐去外婆屋企住,仲要同表弟表妹一齊住喺彩雲邨單位!

    張秀文

    圖︰張秀文(ig圖片)

    至於同陳庭欣都係2010年選港姐、獲得亞軍名銜嘅張秀文,同樣都係公屋出身;但佢曾經表示「唔會為住公屋而感到自卑,亦唔覺得會輸蝕畀其他人」。就讀大學期間,張秀文曾經兼職做售貨員、模特兒同幫人補習,賺錢幫補家計。張秀文現時與已故馬來西亞足球員仇志強嘅囝仇耀斌拍拖,加上2015年著住泳衣參與TVB綜藝節目《超強選擇1分鐘》而人氣急升,相信張秀文都好快可以實現買樓目標!

    陳庭欣

    圖︰陳庭欣(ig圖片)

    講返陳庭欣,佢早年被揭佢做公務員嘅爸爸退休後,一家人可安排入住九龍灣啟晴邨,由於佢始終都係港姐冠軍,所以出入上址時都好低調,仲不時放聲氣話打算「上車」做業主!今次佢同楊振源愛得高調,又無懼「做小三之嫌」,似乎同實現置業夢都有啲關係吧!

    這篇文章 【脫離公屋】屋邨出身港姐 向置業夢進發嘅有佢哋! 最早出現於 流動新聞

    分享給好友: