【得罪老婆系列】梁文音怒畫老公婚紗相 原因係……

    97

    圖︰梁文音怒畫婚紗照,又油牙、又加墨,怨念好深。(FB圖片)

    正所謂「寧得罪小人、莫得罪女人」,「得罪老婆系列」又多一個經典事例!台灣歌手梁文音日前(27日)上載兩幅相片,圖中,老公張念平個樣被畫成「花面貓」,又油牙、又加墨、又粗眉、又皺紋咁,怨念都真係幾深!

    老公失約 塗鴉洩憤

    梁文音在帖文明示老公「罪狀」,她寫道︰「說好的週末甜蜜約會呢?人家好不容易等到休假欸!」原來最近忙於宣傳新碟嘅梁文音﹐難得有時間放假同老公二人世界,點知任職傳道人嘅老公張念平竟然失約,搞到獨留家中嘅梁文音「手起筆落」,攞白板筆畫花同老公嘅結婚相!

    梁文音同張念平結婚2年,都仲係好恩愛,梁文音做訪問時講起老公亦不時「放閃」,今次被老公激親,佢都喺留言提到︰「再怎麼不爽還是要冷靜以後溝通,雖然已先發制人。」睇嚟呢對恩愛夫妻都係「耍吓花槍」,好快又會無事!

    圖︰梁文音老公張念平﹐據悉是桃園大溪的榮美教會傳道。(FB圖片)
    圖︰二人不時在網上「放閃」。(FB圖片)

    這篇文章 【得罪老婆系列】梁文音怒畫老公婚紗相 原因係…… 最早出現於 流動新聞

    分享給好友: