【揭TVB藝員真面目?】前員工開Post爆鄭嘉穎謝天華臭脾氣


    鄭嘉穎、謝天華被爆臭脾氣。(網絡圖片)

    藝人八卦一向係網民追逐嘅焦點,最近網上討論區就有一位聲稱剛剛辭職離開大台嘅前TVB收音師開Post(簡稱前員工)變「幕後八卦達人」,展開「你問我答」。唔少網民見到後積極提問,「邊個Artist好臭脾氣?」「十個最Nice嘅藝人?」「邊個藝人唱歌意外地唔好聽?」更有人發問「見過咁多女藝人,邊個最大波?」講到臭脾氣藝人,呢位TVB前員工就話自己喺大台工作6年最深印象係「21800000」同「Laughing Gor」,呢樣同開名冇分別。

    馮盈盈、江嘉敏最正。(網絡圖片)

    有網友問佢覺得邊個女藝人最正,佢話自己覺得馮盈盈同江嘉敏最正。而被提問「見過咁多女藝人,邊個最大波?」佢就話:「陳x琪,就咁睇好勁。」至於「十個最Nice嘅藝人」,前員工又話加入咗《學是學非》冇耐嘅鄺潔楹係最Nice,之後就排名不分先後,包括:陸永、C君、江嘉敏、張繼聰、陳豪、黃心穎、馮盈盈、何遠東,同埋《Think Big天地》幾位女主持。

    鄺潔楹係最Nice。(Instagram圖)

    講到人見人愛嘅馬國明,佢又咁樣評價?「人幾好,但見過(佢)無啦啦發老脾!」

    馬國明發脾氣。(網絡圖片)

    亦有網民話自己想入電視台做,佢貼心建議:「可以上大台網搵請唔請人,乜都唔識冇所謂,最重要係你畀心機學,唔好扮叻,唔識就問,好多都好好人,肯教。」

    這篇文章 【揭TVB藝員真面目?】前員工開Post爆鄭嘉穎謝天華臭脾氣 最早出現於 流動新聞

    分享給好友:

    评论文章

    Please enter your comment!
    Please enter your name here